طاولة قيمنق 180 سم: هل تحتاج عمود دعم؟

180 سم هو أكثر مقاس يطلبه اللاعبين، وأكثر مقاس يسبب مشاكل إذا انصنع غلط. الجواب المختصر: نعم، عند 180 سم فأكثر نضيف عمود دعم، وهذا ليش.

وش يصير في سطح 180 سم

الحمل في النص على مسافة 90 سم من كل جانب. مع شاشتين وذراع شاشة وسماعات، الوزن في المنتصف ممكن يتجاوز 30 كيلو. الجسر يشيل جزء كبير، لكن مع هذا الطول والحمل نبي ضمانة ثانية.

العمود وين ينركب وهل يعيق رجليك؟

العمود يُثبّت في منتصف الطاولة من الخلف عند الحائط، مو في مكان الرجلين. أغلب العملاء ما يحسون فيه أصلًا لأن الكرسي في النص والعمود ملاصق للحائط. وإذا كان سيت أبك يحتاج المنتصف فاضي بالكامل، نقول لك من البداية إن الضمان بيكون على عيوب التصنيع فقط.

الفرق في الضمان بالضبط

• مع عمود الدعم: ضمان 5 سنوات ضد الانحناء وعيوب التصنيع.
• بدون عمود الدعم: ضمان 5 سنوات على عيوب التصنيع فقط، والانحناء غير مشمول.

الشرطين مكتوبين في ورقة الضمان اللي توقّع عليها عند الاستلام، عشان ما يكون فيه لبس لاحقًا.

هل 180 سم فعلًا اللي تحتاجه؟

إذا شاشتين عاديتين فقط، 160 سم تكفي وتوفر عليك العمود والمساحة. إذا شاشتين وميكروفون ولوحة ستريم أو شاشة ثالثة، 180 سم صح. والطول من 140 إلى 180 سم بنفس السعر عندنا، فاختار على حسب الحاجة مو على حسب السعر. التفاصيل في دليل اختيار المقاس.

تبي طاولة بمقاسك ولونك؟ شوف طاولة قيمنق أليكسا أو أرسل لنا مقاس مساحتك على واتساب ونرسل لك التصور والسعر خلال 24 ساعة.

أسئلة شائعة

هل عمود الدعم إجباري في 180 سم؟

مو إجباري، لكن بدونه الضمان يغطي عيوب التصنيع فقط ولا يغطي الانحناء.

العمود يأخذ مكان الرجلين؟

لا، يُثبّت في المنتصف من جهة الحائط، والكرسي والرجلين في المنتصف الأمامي ما يلمسونه.

ينفع أضيف العمود بعدين؟

نعم، نقدر نركّبه لاحقًا في مكانك بالرياض ويبدأ ضمان الانحناء من تاريخ تركيبه.